ශ්‍රී ලංකා ආණ්ඩුක්‍රම ව්‍යවස්ථාවට 1988 වසරේදී සිදුකරන ලද 13 වන සංශෝධනය මගින් පළාත් සභා ක්‍රමය හඳුන්වාදෙන ලද අතර, මහනුවර, මාතලේ සහ නුවරඑළිය යන දිස්ත්‍රික්ක ආවරණය වන පරිදි මධ්‍යම පළාත් සභාව පිහිටවන ලදි.
ප්‍රධාන ලේකම් කාර්යාලය විසින් මධ්‍යම රජය සමග මනා සම්බන්ධීකරණයක් පවත්වා ගනිමින් පළාත් සභාව යටතේ පවතින අමාත්‍යංශ, දෙපාර්තමේන්තු සහ වෙනත් ආයතන මගින් පළාතේ ජනතාවට ඵලදායී සහ කාර්යක්ෂම සේවාවක් ලබාදීමට අවශ්‍ය මගපෙන්වීම, අධීක්ෂණය සහ නියාමනය සිදුකරනු ලැබේ.
