ප්‍රධාන ලේකම්
පළාත් සභාවට පැවරුණු කාර්යයන් ඉටු කිරීම සඳහා පළාත් අමාත්‍යංශ 5ක් යටතේ දෙපාර්තමේන්තු හා ආයතන 29ක්, 53,000කට ආසන්න කාර්ය මණ්ඩලයක් සේවය කරමින් සිටී. අපගේ අරමුණ සහභාගීත්ව සංවර්ධන ප්‍රවේශය තුළින් ජනතාවට සමීප ජනතා සේවයන් ඉටු කිරීමයි. මෙම කටයුතු වලදී අතිගරු ජනාධිපතිතුමාගේ ජාතික ප්‍රතිපත්ති රාමුවට අදාලව කටයුතු කරමින් සිටින අතර, ඒ තුළින් මනා සමෘද්ධිමත් ගමක් සකස් කිරීමට අත්වැලක් සැපයීම අපගේ ඒකායන බලාපොරොත්තුවයි.
ජනතා හිතෛශි සේවයක් ඇති කිරීමේ දී ජනතා අපේක්ෂා මෙන්ම ජනතා ගැටළු වලටද ක්ෂණික විසදුම් ලබා දීමේ ක්‍රමවේදයක් දියත් කිරීමට මධ්‍යම පළාත් ආණ්ඩුකාරවර ලලිත් යු. ගමගේ මහතා දැනටමත් කටයුතු ආරම්භ කර ඇත. මේ සඳහා පළාත් සභා උපායශීලී සංවර්ධන සැළැස්මට අනුව සියළුම කාර්යයන් සැළසුම් කර තිබේ. මෙම කටයුතු පහසු කරලීම සඳහා ජනාධිපතිතුමන්ගේ හා රජයේ ප්‍රතිපත්ති රාමුව යටතේ දුෂණයෙන් තොර කාර්යක්ෂම පාලනයක් සඳහා වන පළාත තුළ තොරතුරු සන්නිවේදන තාක්ෂණය යටතේ විනිවිදභාවයෙන් කටයුතු කිරීමට ක්‍රමවත් විද්‍යුත් ක්‍රියාවලියක් මධ්‍යම පළාත් සභාව තුළ කටයුතු කරන සියළුම නිළධාරීන් ඇතුළත් වන පරිදි ක්‍රියාවට නැංවීමට පියවර ගෙන ඇත.
පළාත් සභාව තුළ ක්‍රියාත්මක විද්‍යුත් ගිණුම් ක්‍රමය නිසා මනා ගිණුම් පද්ධතියක් පවත්වාගෙන යාමට හැකිව තිබේ. පාර්ලිමේන්තු ගිණුම් කාරක සභා විශේෂ තරඟයේදී සියයට සියයක කාර්ය සාධනයක් පෙන්වු ආයතනයක් ලෙස සම්මාන ලැබීම තුළින් එය නිසරනාද්‍යාංශයෙන් පැහැදිළි වේ. නුදුරු අනාගතයේ දී විද්‍යුත් පෞද්ගලික ලිපි ගොනු ක්‍රමවේදය ස්ථාපනය කිරීමට බලාපොරොත්තු වෙමි. මෙයට අමතරව පළාතේ සංවර්ධන කටයුතු සඳහා ද ක්ෂණිකව තොරතුරු ලබා ගැනීමට හැකිවන පරිදි පරිගණක වැඩසටහනක් ක්‍රියාත්මක කර තිබේ.
තවද පළාතේ සංවර්ධන කටයුතු මෙන්ම පරිපාලනමය කටයුතු සාර්ථක කර ගැනීම සඳහා පලාත් ගරු ආණ්ඩුකාරවර ලලිත් යු. ගමගේ මැතිතුමාගෙන් ද පළාත් සභාව පිහිට වු දින සිට අද දක්වා සේවය කළ ආණ්ඩුකාරතුමන්ලා/ තුමියන්ලා, මහ ඇමතිතුමන්ලා සහ පළාත් සභා මහ ඇමතිතුමන්ලා/ තුමියන්ලා සහ මන්ත්‍රී තුමන්ලා/ තුමියන්ලා ගෙන් ලැබුණු දායකත්වයද පරිපාලනමය දායකත්වය දුන් හිටපු සියළුම ප්‍රධාන ලේකම්වරුන් ඇතුළු රාජ්‍ය නිලදරුවන් ඇතුළු අද දක්වා සේවය කරන සියළුම සුළු සේවකයාගේ පටන් පළාත් සභාවේ දියුණුව උදෙසා ප්‍රධාන ලේකම් දක්වා කටයුතු කරන සියළුම පළාත් සභාවේ රාජ්‍ය නිලධාරීන්ගේ ද දායකත්වය ඉතා අගය කරමි.
